|
Concello
situado na comarca do Val Miñor,
moi próximo a Vigo, cidade coa que
ten fortes relacións, xa que moita
poboacion que traballa naquela cidade reside
nos concellos dos arredores como Gondomar
e se despraza diariamente, factor que inflúe
decisivamente na importancia dos movementos
pendulares entre o Val Miñor e Vigo
Os
usos do solo predominantes son os destinados
a labores intensivas, localizadas fundamentalmente
no val fértil regado polos ríos
Miñor, Groba e Zamáns. Ademais
destes aproveitamentos agrícolas
o concello posúe ampla superficie
industrial na parroquia de Vincios, na que
se instalan empresas que aproveitan a proximidade
a Vigo para acceder ás boas comunicacións
da cidade. A autoestrada do Val Miñor
constitúe un eixe importante de transporte
para estas empresas localizadas en Gondomar.
|
| |
Gondomar
resulta un dos concellos mellor localizados
para exercer de cinto de expansión
da cidade de Vigo e esta situación
estratéxica xa se está
notando no auxe constructivo, dada
a proximidade á cidade e os
servicios ofrecidos por Gondomar.
O
concello posúe destacados vestixios
arqueolóxicos que o converten
no gran xacemento paleolítico
provincial gracias á estación
de "Chan de Cereixo" en Donas. As
terras de Gondomar gozan de espléndidos
señoríos e mostran gran
cantidade de pazos e casas solariegas:
o pazo do Conde de Gondomar, os pazos
de Pampillón, Arines ou Villarés.
|
|
