Nº 12 - xaneiro 2010

1ª Convocatoria para a Avaliación en Competencias Clave

O pasado 8 de xaneiro publicouse no DOG a convocatoria para o 2010 das probas de avaliación en competencias clave para acceder aos novos certificados de profesionalidade de nivel 2 e 3 de cualificación, dentro das accións formativas de formación profesional para o emprego na Comunidade Autónoma Galega.

As competencias clave que se convocan comprenden un conxunto de contidos xerais de formación básica en diferentes áreas de coñecemento, que son:

As devanditas probas adaptaranse ás persoas discapacitadas que acrediten un grado de discapacidade polo menos do 33%.

Poderán presentarse aquelas persoas maiores de 16 anos que queiran cursar un certificado de profesionalidade de nivel 2 ou 3 e non estean en posesión da titulación ou certificación oficial requirida.

A titulación oficial requirida para o nivel 2 é:

-          o título de Graduado en ESO,

-          ter un certificado de nivel 1 da mesma familia e área profesional, ou

-          un certificado de nivel 2.

Para o acceso ao nivel 3 requírese:

-          o título de Bacharelato,

-          ter un certificado de nivel 2 da mesma familia e área profesional, ou

-          un certificado de nivel 3.

As persoas aspirantes deberán xuntar á súa solicitude de inscrición: a fotocopia do documento nacional de identidade, ou número de identificación de estranxeiro ou do pasaporte, e no seu caso, o certificado acreditativo de discapacidade en vigor.

As solicitudes poderán presentarse dende o 9 ao 29 de xaneiro de 2010, no rexistro da Consellería de Traballo e Benestar. Transcorrido o período de inscrición, publicarase un listado provisional de persoas excluídas e admitidas, contra o cál poderanse formular as oportunas alegacións no prazo de 3 días hábiles.

As listas definitivas e a información sobre o horario das probas publicaranse o 24 de febreiro no taboleiro de anuncios dos centros en que se realicen as probas e na páxina web http://traballoebenestar.xunta.es/

O calendario das probas é:

Podes consultar a convocatoria, os contidos de cada competencia clave e exemplos de probas na web da Consellería de Traballo:

http://traballo.xunta.es/contenidos/gl/menu_transversal/formacion_cualificaciones/competencias_clave