Nº 17 - xuño 2010

Titulares

• CONVOCATORIA DE SUBVENCIÓNS PARA ACCIÓNS DE INSERCIÓN LABORAL DE INMIGRANTES.
• SUBVENCIÓNS A PEMES PARA IMPLANTAR MEDIDAS DE RESPONSABILIDADE SOCIAL EMPRESARIAL.
• PROGRAMA DE INCENTIVOS A EMPRESAS DE INSERCIÓN LABORAL.
• O IGAPE PROMOVE AS NOVAS INICIATIVAS EMPRESARIAIS A TRAVÉS DE INNOEMPRESA, O PLAN RE-FORZA E XES-INNOVA XOVE.
• A REFORMA DO MERCADO DE TRABALLO

• Portada
• Hemeroteca
• Subscricións E-mail

Estas empresas teñen a finalidade de promover a inserción sociolaboral de persoas en risco de exclusión social e para acceder as axudas deberán estar inscritas no rexistro habilitado a tal efecto pola Dirección Xeral de Promoción do Emprego.

 

A tales efectos considéranse factores de exclusión a discapacidade, a condición de persoa en proceso de rehabilitación e socialización normalizada, a situación de cargas familiares non compartidas, a condición de inmigrante ou emigrante retornado, a condición de persoa sen fogar, a procedencia de institucións de protección ou reeducación de menores, a condición de muller vítima de violencia de xénero, a pertenza a minorías étnicas e calquera outro factor non enumerado que sexa considerado por servizos sociais. Tamén se inclúen neste grupo as persoas que perciban renda de integración, aquelas que non a perciban por motivos determinados, as persoas desempregadas de longa duración e os que perciban a renda activa de inserción.

 

Serán subvencionables as seguintes actuacións: a contratación de persoas en situación de risco, a contratación de xerentes ou técnicos de xestión e acompañamento, as accións de mediación no mercado laboral para a contratación de persoas en risco de exclusión, a formalización de préstamos e a creación e ampliación do cadro de persoal das empresa de inserción.

 

O prazo de presentación de solicitudes rematará o día 8 de xullo de 2010 e para mais información consultar o texto íntegro da Orde no seguinte enlace: http://traballo.xunta.es/contenidos/gl/menu_transversal/ayudas_subvenciones/ayudas/axuda-tr356a-2010