|
Mondariz está situado ó pe da verte suroccidental da Serra do Suído, ó sur da provincia de Pontevedra. Ó norte está limitado polos municipios de Fornelos de Montes e Pazos de Borbén, ó leste por Covelo, ó sur pola Cañiza e Salvaterra do Miño e ó oeste polos de Mondariz Balneario, Ponteareas e Pazos de Borbén. Ten unha extensión de 85,8 km2 e unha poboación en torno ós 6.000 habitantes distribuídos nas parroquias de Frades, Gargamala, Lougares, Meirol, Mouriscados, Queimadelos, Riofrío, Sabaxán, Toutón, Vilar, Villasobroso e Mondariz, na que se sitúan as instalacións do obradoiro.
O Obradoiro de emprego “Plan Mondariz”, promovido polo Concello de Mondariz, é o primeiro proxecto destas características que se está desenvolver neste concello. O Obradoiro sito no lugar do Escobeiro, inicia a sua actividade o 29 de xuño de 2006 e ten prevista a sua finalización o 30 de xuño de 2007.
Os obxectivos básicos do proxecto son:
1- Prestación de servicios de axuda no fogar: preténdese afianzar o servicio de axuda no fogar existente no Concello de Mondariz co fin de chegar ó maior número de casos que precisen esta asistencia.
2- Rehabilitación da casa escola de Lougares: o destino previsto da obra é como Centro Social para uso da Comunidade de Montes do Concello.
3- Acondiconamento da ruta de Sendeirismo “Rios e montes de Mondariz”: as obras teñen a finalidade de conformar un itinerario polos espazos naturais do Concello de Mondariz, permitindo o uso e desfrute do patrimonio natural aos veciños e visitantes, fomentando o contacto coa natureza.
Para o desenvolvemento destas accións, o obradoiro conta con tres especialidades: Auxiliar de axuda no fogar, Construcción e Traballador forestal, cada unha delas conta con 11, 12 e 12 alumnos-traballadores respectivamente.
O promedio de idade en xeral do obradoiro é de 38 anos, o das mulleres é de 36 anos e o dos homes é de 42 anos.
Gráficos do alumnado do obradoiro:
|
