Novas

NOTA INFORMATIVA SOBRE A PRESENTACIÓN DE CANDIDATURAS AO PROCESO DE SELECCIÓN DO PERSOAL DOCENTE E DE APOIO DO PROGRAMA DE FORMACIÓN-EMPREGO DENOMINADO “MAIV TALENTO MOZO 2026”

En relación co proceso de selección do persoal docente e de apoio do programa MAIV Talento Mozo 2026, a Mancomunidade da Área Intermunicipal de Vigo informa de que, tal como establecen as bases reguladoras, deste procedemento o sistema de admisión de candidatos/as será o de oferta de emprego tramitada na correspondente oficina de emprego por razón de domicilio (Oficina de

emprego de López Mora).

É a oficina de emprego a encargada de “preseleccionar as persoas candidatas que participarán no proceso de selección a través deste sistema”.

Neste momento, o proceso atópase na fase de sondaxe e preselección de persoas candidatas por parte da Oficina de Emprego de López Mora.

Polo tanto, só poderán participar no proceso de selección as persoas que fosen previamente sondeadas e preseleccionadas pola oficina de emprego, e que sexan remi􀆟das á Mancomunidade de Vigo como resultado da correspondente oferta de emprego.
En consecuencia, NON SE ADMITIRÁN no proceso de selección candidaturas presentadas directamente ante a Mancomunidade por persoas que non fosen previamente sondeadas e preseleccionadas pola oficina de emprego, de acordo co procedemento establecido nas bases reguladoras.

Respecto ás persoas preseleccionadas e avisadas pola Oficina de Emprego de López Mora, estas deberán presentar a solicitude de participación (anexo II) e a documentación acredita􀆟va dos requisitos e méritos alegados, segundo o establecido nas bases da convocatoria (bases 10ª, 11ª e bases específicas para cada posto).

O prazo para a presentación da documentación remata ás 15.00 horas do día 23 de setembro de 2026.

A presentación da documentación dentro deste prazo non implica por si mesma a admisión ao proceso selectivo, que estará condicionada ao cumprimento dos requisitos establecidos nas bases e á preselección efectuada pola oficina de emprego.

A Mancomunidade de Vigo lembra que a preselección realizada pola oficina de emprego constitúe a vía de acceso ao proceso selectivo neste procedemento, sen prexuízo do posterior desenvolvemento das fases de selección previstas nas bases.

Para maior aclaración, poden chamar ao teléfono da Mancomunidade, en horario de mañá: 986.423366