Nº 2 - marzo 2009

 

- Nas dúas disposicións correspondentes ao mes de febreiro formalizáronse préstamos por importe de 1.539 millóns de euros.

 

- Máis de 56.000 empresas e cidadáns recibiron algún préstamo do ICO nos dous primeiros meses do ano.

 

- Desde a súa posta en marcha a liña ICO-Liquidez facilitou préstamos a máis de 7.100 empresas por importe de 660 millóns de euros.

 

- A Liña ICO-PEME financiou en dous meses os investimentos de 7.300 empresas, con préstamos por importe de 477 millóns de euros.

É importante destacar que do volume disposto, máis de 1.539 millóns formalizáronse durante o mes de febreiro, o que indica que as Entidades de Crédito incrementaron de forma importante o volume de concesión de créditos.

En concreto, desde a posta en marcha da Liña ICO-Liquidez facilitáronse préstamos a 7.100 empresas, que serviron para financiar os seus gastos correntes. O importe dos préstamos ascende a 660 millóns de euros, dos cales o 50% dos fondos son aportados polo Instituto e o 50% restante polas Entidades de Crédito colaboradoras. Das operacións realizadas, case 4.000 tramitáronse na última quincena. O importe medio dos préstamos situouse en 87.000 euros.

Polo que respecta ás liñas ICO 2009 de Apoio á Empresa:

Emprendedores, PEME, Crecemento Empresarial e Internacionalización xa se solicitaron préstamos por importe de máis de 513 millóns de euros, que serviron para financiar 7.436 proxectos de investimento. A Liña ICO-PYME facilitou 476,89 millóns de euros en créditos a 7.300 empresas. Tamén na Liña ICO-PEME hai que reseñar o gran incremento no volume de solicitudes atendidas no último mes.

O obxectivo destas liñas é facilitar créditos en condicións preferentes ás pequenas e medianas empresas e aos traballadores autónomos para o financiamento dos seus investimentos en activos fixos produtivos e as súas necesidades de liquidez.

Actualmente estas liñas están dispoñibles e poden solicitarse na práctica totalidade dos bancos e caixas implantados en España.

Fonte:www.ico.es